Альфред Адлер балалық шағы
Альфред Адлер 1870 жылы 7 ақпанда еврей отбасында дүниеге келген. Адлер жеті баланың бірі болған. Бала кезінде ол рахит ауруынан зардап шеккен және төрт жасқа дейін жүре алмады. Сонымен қоса бес жасында пневмониямен ауырған. Балалық шақтағы барлық аурулар дәрігер болу шешіміне әсер етті. Альфред Адлер алғашқы білімін жалпылама орта мектепте алды. Содан кейін 1895 жылы Вена университетіндегі медицина факультетіне түсті. Оқу барысында ол социалистер тобымен тығыз байланыста болды.
Ғылым жолы
Альфред Адлер дәрігерлік мансабының басында офтальмологиямен айналысты. Бірақ содан кейін терапияға ауысты. Бала кезінен социализмге қызығушылық танытты, тіпті социалистік газеттерге арналған мақалалар жазды. 1902 жылы Адлер атақты психиатр Зигмунд Фрейдтен «Сәрсенбі күндері болатын психологиялық талдау» атты клубқа қатысуға шақыру алды. Оның мүшелері психоанализдің түрлі аспектілерін зерттеді.
1910 жылы Адлер Вена психоаналитикалық қоғамының президенті болды. Сол уақытта Фрейдтің көзқарастары арасындағы айырмашылықтар күшейе түсті және Адлер бір жылдан кейін қоғамнан кетіп қалды. 1912 жылы Адлер жеке психология қоғамын құрды. Фрейдтің қоғамдағы көзқарастары мен ойларынан өзгеше болғанына қарамастан, Адлер мен Фрейд бір-біріне құрметпен қарады және бір-бірінің жұмысынан шабыт алды. 1913 жылы Адлер өз тәлімін жеке психология жүйесі деп атады.
Бірінші дүниежүзілік соғыс кезінде (1914-1918), ол үш жыл бойы ауруханада қызмет етті. Соғыстан кейін Венада ауыр психикалық проблемалары бар балаларға арналған (консультациялық) клиникасын құрды. Сондай-ақ, ол мектептерде психикалық тұрақсыз балалармен жұмыс істеуге жауапты адамның жағдайын енгізуді ұсынды.
1924 жылы Венадағы педагогикалық институтында мұғалім лауазымын алды. Ол Еуропада және Америкада көптеген оқу орындарында жиі барып, баяндама жасады. 1927 жылы Колумбия университетіне профессор ретінде шақырылды.1932 жылы Гитлердің партиясы Австрияда билікке келгеннен кейін Адлер Нью-Йоркке көшіп, Лонг-Айленд медициналық колледжінде профессор болды. Өмірінің соңына дейін ол өзінің лекцияларымен әлемді аралап шықты.
Еңбектері мен шығармалары
Альфред Адлер өмірінде 300-ден астам кітаптар мен мақалалар жазған. Оның ең маңыздысы: «Жеке психологияның тәжірибесі мен теориясы» (1927), «Адам табиғатын түсіну» (1927), «Өмірдің мәні» (1931) және т.б. Адлер «Жеке психология қауымдастығы» құрды. Оның жұмысы адам психологиясын және жеке басын зерделеуге біртұтас көзқарас болды. Ол бірнеше бейсаналық мақсаттарды анықтады. Сана және санасыздық туралы мына мақаладан оқи аласыз. Санасыздық және сана туралы жалпы мәліметтер
Адлер адам психологиясын психодинамикалық екендігіне және оның телеология арқылы түсінуіне болатындығына сенімді болды. Ол сондай-ақ саналы және бейсаналық бір-бірін алмастырып жұмыс жасайды деп ойлады. Адлер сонымен қатар кемшілік комплексі (комплекс неполноценности) теориясын құрған. Ол адам әртүрлі комплекстарға байланысты идеалға жету үшін әрекет етуі. Мысалы көптеген спортшыларды осыған жатқызуға болады. (Арнольд Шварценеггер). Адамның жеке басының дамуын анықтаған кезде, кемшілік кешенінің өте ықпалды екендігіне сенген. Сондай-ақ, кемшілік комплексі балалардың мінез-құлық проблемасының басты факторларының бірі болып табылады.
Альфред Адлер жеке өмірі
Венада білім алу кезінде Альфред Адлер ресейлік қоғамдық қайраткер Раиса Эпштейнмен кездесті. 1897 жылы үйленіп, төрт баласы болды. Оның қызы Александр психиатр және қоғамдық қайраткер болды, ал Валентина жазушы және қоғам қайраткері болды.1937 жылы Абердиннің Шотландия университетіне жұмыс сапары кезінде Адлер кенеттен 67 жасында жүректің шабуылынан қайтыс болды.