Мемлекеттік органдармен байланыс платформасының модераторы
Мемлекеттік органдармен байланыс платформасының модераторы -қоғам белсенділері мен белгілі бір саладағы (білім беру, тұрғын үй мен шаруашылық, құрылыс, зейнетақымен қамтамасыз ету) шенеуніктер арасында бірлескен шешімдер шығару үшін онлайн және офлайн форматтағы сұхбаттарды ұйымдастыратын маман.
Виртуалды адвокат
Виртуалды адвокат — іс жүргізілетін елдің заңнама нормаларын сақтай отырып, заңгермен қашықтықтан кеңесетін маман.
Мүмкіндігі шектеулі адамдарды интернет арқылы бейімдеудің арнайы маманы
Қазір мүмкіндігі шектеулі жандарға толыққанды өмір сүруіне жағдай жасап, көмектесетін мамандар бар. Олар қашықтан жұмыс жасауға, кәсіптік бейімділігіне сай саланы таңдауға, жұмыс пен демалыс барысын ұйымдастыруға атсалысады (онлайн-қоғамдастықтар, байланыс платформасы мен білім беру курстарын таңдау).
Жеке бренд-менеджер
Әлеуметтік желілерде сіздің жеке имиджіңізді қалыптастырып, дамытатын мамандарды жеке бренд-менеджерлер деп атаймыз. Жеке брендті қалыптастыру — заманның басты талабы әрі қазіргі бизнес-коучингтің маңызды аспектісі. Нақты бір аудиторияға арналған бейнеңіздің болуы басқа мамандардан көш ілгері тұрып, қоғамда сұранысқа ие болуыңызға да ықпал етеді. Сондықтан да бұл мамандық иелеріне қажеттілік артып отыр.
Пайдаланушылар қауымдастығының модераторы
Пайдаланушылар қауымдастығының модераторы пайдаланушылардың онлайн-қауымдастықтарын ұйымдастырып, олардың көкейіндегі ойды діттеген жеріне дейін жеткізуге көмектеседі. Олар үшін ең маңыздысы — тұтынушылар алдында әділ болу (мысалы, түрлі конкурстар ұйымдастыруда).
Білім беру онлайн платформасын үйлестірушісі
Білім беру онлайн платформасыының үйлестірушісі — білім беру мекемелері мен білім беру жобалары саласындағы маман. Мұндай мамандардың онлайн педагогикадан хабары болуы керек, өйткені түрлі пәндер мен дисциплиналар бойынша онлайн курстар жүргізеді. Курстар мен платформа аясында оқытушы мен білім алушының арасындағы байланысты қамтамасыз етеді, сонымен қатар платформа қызметін жетілдіру жұмыстарымен айналысады.
Краундфандингті платформа менеджері
Краудфандингті платформа менеджері краудфандингті платформалар жұмысын ұйымдастырады, краудфандингті қаржыландыруға ие болу үшін, жобаларға алдын ала бағалау жұмыстарын жүргізеді. Салымшылар мен жоба иелері арасында келіспеушіліктер туындаған жағдайда оны шешумен айналысады. Краудфандингтік жобалармен жұмыс жасайтын менеджер, кеңесші, маркетолог мамандар Ресейде әлі толық қалыптаспаса да, батыс елдерінде өте белсенді жұмыс істеп жатқан жайы бар.
Тайм брокер
Тайм брокер — фрилансерлердің жұмыс уақытын «сататын» маман (ашық нарықта басқа біреудің жұмысын басқарады). Технологияның қарыштап дамыған заманында үнемі кеңседен табылу міндетті емес. Оның үстіне шет тілін меңгерген мамандар шетелдік адамдардың тапсырысымен жұмыс істей береді. Фрилансерлер мен жұмыс берушілер үшін тиімді делдалдар жетіспеуде, мәселен, кадрлық агенттіктер тек қана толық уақыттық жұмыстарға арналған бос орындарға бағытталған, ал сайттар мердігерлерді ғана қажет етеді. Болашақта таймброкер мамандар бұл кемшіліктердің орнын толтырмақ.
Трендвотчер/форсайтер
Трендвотчер — экономиканың түрлі салаларында, қоғамдық өмірде, саясат пен мәдениетте жаңа үрдістердің қалыптасуын, олардың тұтынушы қажеттілігіне деген оң немесе теріс әсерін қадағалап отыратын мамандар.